Pormal na nanungkulan bilang bagong Commander ng 250th Presidential Airlift Wing si Col. Loreto B. Pasamonte, na dating Deputy Wing Commander ng 300th Air Intelligence and Security Wing.
Ang Change of Command Ceremony ay pinangunahan ni Air Mobility Commander Major General Joannis Leonardi B. Dimaano, sa Villamor Air Base, Pasay City kahapon.
Pinalitan ni Col. Loreto si Brig. General Aldrin S. Annani, na itinalaga namang bilang Deputy Commander ng Air Logistics Command.
Ito’y matapos na italaga ang dating Deputy Commander ng Air Logistics Command na si Brig. General Jesus Nelson B. Morales, bilang bagong Commander ng Presidential Security Group.
Binati ni MGen Dimaano ang mga bagong-upong opisyal sa kanilang mga bagong posisyon at sinabing ang pagpapalit ng tungkulin ay pagkakataon para sa personal at propesyonal na pag-unlad na magbebenepisyo din sa organisasyon. | ulat ni Leo Sarne
📷: PAF
