Hawak na ng Philippine National Police-Integrity Monitoring and Enforcement Group (PNP-IMEG) ang isang dating pulis na matagal nang pinaghahanap ng mga awtoridad.
Ito ay makaraang silbihan ng warrant of arrest ang dating pulis na kinilalang si Jayvee Rommel Vicencio, na may dating ranggong corporal at itinuturing na suspek sa kasong pagpatay.
Batay sa ulat ng PNP-IMEG, nasakote si Vicencio sa ikinasang operasyon ng mga tauhan ng IMEG-National Capital Region Field Unit sa pinagtataguan nito sa Brgy. San Isidro Rodriguez, Rizal.
Dahil dito, naibalik na ng mga tauhan ng PNP-IMEG ang warrant of arrest kay Caloocan City Regional Trial Court Branch 232 Judge Rosalia Hipolito Bunagan kung saan, walang inirekomendang piyansa rito. | ulat ni Jaymark Dagala
