Pinaalalahanan ni OFW party-list Rep. Marissa Magsino ang Filipino community sa Israel lalo na ang mga OFW na palagiang makipag-ugnayan sa Philippine Embassy at Migrant Workers Office doon.
Bunsod ito ng pag-atake ng grupong Hamas sa Israel at deklarasyon ng State of War Alert ng Home Front Command.
Aniya, mayroon nang 24-7 Task Force Israel Desk ang Department of Migrant Workers at OWWA na tatanggap ng mga tawag para sa tulong ng mga OFW at kanilang pamilya kung kinakailangan.
Ang mga numerong maaaring tawagan ay:
+63 2 1348
+63 908-326-8344
+63 927-147-8186
+63 920-517-1059
Pagtitiyak pa nito sa mga Filipino Migrant Workers na nakahanda ang pamahalaan para masiguro ang kanilang kaligtasan. | ulat ni Kathleen Jean Forbes
