Balik-operasyon na ang LRT-2 matapos ang naramdamang magnitude 5 na lindol sa Calaca, Batangas.
Ayon sa Light Rail Transit Authority (LRTA), ligtas at walang structural defects na nakita sa lahat ng istasyon at mga riles ng LRT-2.
Ito ay matapos ang isinagawang safety inspection sa mga pasilidad ng linya para matiyak ang kaligtasan ng lahat ng kawani at mga pasahero.
Pansamantalang itinigil ang operasyon dahil sa nangyaring lindol kaninang umaga.
Nagpaalala naman ang LRTA sa publiko na huwag mag-panic at maging alerto kapag may lindol. | ulat ni Diane Lear
