Magsasagawa ang Lokal na Pamahalaan ng Pasig at Public Employment Service Office (PESO) ng ika-apat na Mega Job Fair sa lungsod.
Nasa 60 mga kumpanya ang inaasahang lalahok sa naturang job fair kabilang ang ilang overseas employment agencies.
Tampok din sa aktibidad ang One Stop Shop kung saan libreng makakapag-avail ng serbisyo ng BIR, PAGIBIG, PhilHealth, at SSS.
Ayon sa Pasig LGU, kinakailangan na magdala ng maraming kopya ng resume at ballpen ang mga interesadong aplikante, at ihanda rin ang sarili dahil maaaring ma-hire on the spot.
Para naman sa listahan ng mga job vacancy, maaaring bisitahin ang Facebook page ng Pasig LGU.
Isasagawa ang Mega Job Fair sa 3rd Floor ng Robinsons Metro East sa Biyernes, October 6, mula alas-9 ng umaga hanggang alas-4 ng hapon. | ulat ni Diane Lear
