Hinimok ni San Juan Mayor Francis Zamora ang mga kabataan na bumoto para sa Sangguniang Kabataan.
Ayon kay Zamora, mismong ang kaniyang mga anak na nasa ‘voting age’ ay hinikayat niya na bumoto para sa SK.
Punto pa ng alkalde, tulad ng mga opisyal ng barangay, dapat din piliing mabuti ng mga kabataan ang ihahalal na SK officials.
Dapat aniya tandaan na malaking pondo ang inilalaan para sa youth sector kaya dapat ay responsableng mga opisyal ang iboto upang tunay na maisulong ang kanilang kapakanan.
Sa pangkalahatan ay mapayapa naman ani Zamora ang sitwasyon ng eleksyon sa San Juan at wala naman naitatalang ‘untoward incident’. | ulat ni Kathleen Jean Forbes
