Nakalapag na sa Ninoy Aquino International Airport (NAIA) Terminal 3 ang Qatar Airways flight QR928 sakay ang may 8 Overseas Filipino Worker (OFW) buhat sa Doha.
Ito ang kinumpirma ng Department of Migrant Workers (DMW).
Batay naman sa impormasyon mula sa Manila International Airport Authority (MIAA), alas-10:01 ngayong gabi nang lumapag ang naturang eroplano.
Sinalubong sila ng mga opisyal ng DMW sa pangunguna ni Officer-In-Charge Hans Leo Cacdac, Department of Foreign Affairs (DFA) at Overseas Workers Welfare Administration (OWWA).
Dito, isasalang sila sa debriefing at bibigyan din sila ng pagkain bago ihatid sa kani-kanilang mga uuwiang lugar.
Ito na ang ikatlong batch ng mga OFW na umuwi sa bansa matapos maipit sa gulo sa pagitan ng Israeli Forces at ng militanteng Hezbollah.| ulat ni Jaymark Dagala
