Nahuli na ng Philippine Drug Enforcement Agency (PDEA) ang isang drug personality sa Sta. Cruz Maynila, kaninang hapon.
Ayon sa ulat ng PDEA Regional Office NCR-Eastern District Office, naaresto si Rubie Lee @Chang, na isa ring negosyante sa ikinasang buy-bust operation sa kanto ng Tambacan at Ongpin St., Sta. Cruz sa Maynila.
Bago nahuli si Rubie Lee, isinailalim muna ito sa surveillance operation ng PDEA agents.
Na-recover mula sa kanya ang humigit kumulang 50 gramo ng suspected shabu na tinatayang nasa P340,000, isang cellular phone at buy-bust money.
Kasong paglabag sa Article II ng Republic Act 9165 ang inihahanda na ng PDEA laban sa naarestong drug personality. | ulat ni Rey Ferrer
