Nais ng Department of Interior ang Local Government na bigyan ng hanggang tatlong linggong transition period ang mga bagong halal na opisyal ng Barangay at Sangguniang Kabataan.
Salig ito sa Memorandum Circular 166 ng DILG.
Mas mahaba ito kumpara sa nais ng COMELEC na isang linggo.
Ayon kay DILG Sec. Benjamin Abalos, bagamat ang mga nanalong kandidato ay maaari nang maupo sa pwesto matapos iproklama at manumpa, ay kulang ang isang linggong turn-over period.
Kailangan kasi aniya ng tamang paglilipat ng financial record at properties.
Maliban dito, kailangan din magtalaga ng secretary at treasurer.
Isa pa sa paliwanag ng kalihim ay hindi pa maaaring pumirma agad ang mga bagong halal na opisyal para sa paglalabas ng pondo para sa pasahod at pambayad ng utilities. | ulat ni Kathleen Jean Forbes
