Naaresto ng PNP ang isang high-value drug suspect sa buy-bust operation sa Dasmariñas City, Cavite.
Sa ulat kay Police Regional Office (PRO) 4A Regional Director Police Brigadier General Paul Kenneth Lucas, kinilala ang babaeng suspek na si alyas Jerwin, 35 taong gulang.
Kabilang ang suspek sa drug watchlist ng Cavite Police Provincial Office.
Nasamsam ng pulisya ang nasa 150 gramo ng hinihinalang shabu na nagkakahalaga ng mahigit isang milyong piso.
Pinuri ni Brigadier General Lucas ang mga pulis-Calabarzon sa matagumpay na operasyon at pinasalamatan ang suporta ng publiko sa pagsugpo ng iligal na droga sa rehiyon. | ulat ni Leo Sarne
📷: PRO 4A
