Nakiisa ang Lokal na Pamahalaan ng Las Piñas para sa ‘Elderly Filipino Week’ upang patuloy na pahalagahan at pasalamatan ang mga senior citizen sa lungsod.
Ang naturang selebrasyon ay hindi lamang pagbibigay-pugay sa legasiya ng mga Pilipinong senior citizen kundi pagpapalakas ng diwa ng komunidad sa lungsod ng Las Piñas.
Ayon kay Las Piñas City Mayor Imelda T. Aguilar na patuloy na sumusuporta ang lungsod sa mga programa at serbisyo sa mga senior citizen para sa kanilang mahahalagang kontribusyon na mananatiling bahagi ng kultura sa lungsod at ng komunidad.
Sa huli nangako naman ang alkalde na magkakaloob pa ng mas magandang programa ang lungsod para sa kanila upang matamasa ang kaginhawaan na dapat nilang natatanggap. | ulat ni AJ Ignacio
