Halos 50 kabataaan at kababaihang nasa pangangalaga ng Centers and Residential Care Facilities (CRCFs) sa Cagayan ang benepisyaryo sa Nationwide Gift-Giving Day kahapon, Nobyembre 26, 2023.
Sa aktibidad na tinawag na “Balik Sigla, Bigay Saya” ay pinangunahan ng Office of the President, sa pamamagitan ng Social Secretary’s Office, sa pagsisikap na makapagsagawa ng makabuluhang gift-giving at community engagement.
Natulungan sa aktibidad ang siyam na residente ng Cagayan Valley Regional Rehabilitation Center for Youth sa Enrile, habang 12 sa Reception and Study Center for Children, at 26 naman sa Regional Haven for Women and Girls na matatagpuan sa bayan ng Solana.
Maalalang binuksan ang aktibidad sa Malacañang Grounds na pinangunahan mismo nina Pangulong Ferdinand R. Marcos Jr. at First Lady Liza Araneta-Marcos.
Personal namang dinaluhan ni Regional Director Lucia Alan ang pamamahagi ng regalo sa tatlong CRCFs sa lalawigan. | ulat ni April Salucon-Racho | RP1 Tuguegarao
