Nag-uunahan para magpakuha ng kani-kanilang mga larawan gamit ang mga celfones sa isang puting kabaong at mga bungo na gawa sa karton, mga paniki at mga sapot na tila isang haunted house na ngayon ay sentro ng atensyon at libangan ng mga bisita at mga dumalaw sa kanilang mga yumaong mga kapamilya.
Nagpasya ang naturang pamunuan ng pribadong sementeryo na bigyan ng Halloween Treat ang kanilang nga bisita ngayong gabi sa pamamagitan ng isang konsiyerto at mga photo ops at naka-costume na mga trabahante ng memorial park.
Ang tila malungkot at tahimik na okasyon ay bubuhayin ngayong gabi sa pamamagitan ng mga performers na magsisilbing entertainer ng mga dumalaw na pamilya sa naturang sementeryo.
Ang ganitong estilo ng pagsalubong sa gabi ng Undas dito sa Naga City sa isang memorial park ay bago at pinakaunang masasaksihan.| ulat ni Rhoneil Peñaflor| RP1 Naga City
