Bumisita si Vice President Sara Duterte sa tanggapan ng Metropolitan Manila Development Authority (MMDA) ngayong araw.
Ito’y para kumustahin ang sitwasyon na may kaugnayan sa ikinasang tigil-pasada ng grupong PISTON.
Dito, ipinakita kay VP Sara ni MMDA Acting Chairperson, Atty. Don Artes ang kanilang state of the art facilities na nagpapakita ng real-time situation sa iba’t ibang lugar sa Metro Manila.
Ibinida rin ni Artes sa Pangalawang Pangulo ang mga high definition CCTV cameras para sa kanilang pag-uulat.
Kasama nila VP Sara at Chairperson Artes si Land Transportation Franchising and Regulatory Board (LTFRB) Chairperson Teofilo Guadiz III sa pagbabantay sa sitwasyon. | ulat ni Jaymark Dagala
