Nanawagan si Vice President Sara Duterte sa grupong PISTON na huwag dalhin sa lansangan ang kanilang paglalabas ng hinaing bagkus ay umupo at makipag-usap.
Ginawa ng Pangalawang Pangulo ang pahayag makaraang bumisita siya sa tanggapan ng MMDA ngayong araw para silipin ang pinakahuling sitwasyon hinggil sa ikinasang transport strike.
Aniya, nakahanda namang tumulong ang pamahalaan para umalalay sa mga maaapektuhan ng tigil-pasada sa pamamagitan ng paghahandog ng libreng sakay
Kuntento naman siya sa datos na 70% ng mga nasa transport group ang nais i-modernisa ang kanilang mga sasakyan para na rin sa kapakanan ng mga pasahero. | ulat ni Jaymark Dagala
