Inaalam pa ng Armed Forces of the Philippines kung may koneksyon sa Daulah Islamiyah-Maute ang nahuli nilang suspek sa pagpapasabog sa Mindanao State University sa Marawi City.
Ayon kay AFP Public Affairs Office Chief Col. Xerxes Trinidad, hindi pa nila tiyak kung saang grupo kabilang si Jafar Gamo Sultan, alyas Jaf at Kurot.
Una nang nabatid na si Sultan ay kasabwat ng isang alyas Omar na positibong tinukoy ng mga testigo na nagdala ng improvised explosive device sa Dimaporo Gymnasium habang nagsasagawa ng misa.
Ngayon lang lumutang ang pagalan ni Omar sa kabila ng ulat ng Phlippine National Police o PNP na isang Kadapi Mimbesa alias engineer ang may dala ng bag na pinaniniwalaan na may lamang bomba. | ulat ni Jaymark Dagala
