Iniimbestigahan ng Land Transportation Franchising and Regulatory Board (LTFRB) ang viral video ng isang taxi driver na naniningil sa mga turista gamit ang “airport meter rate”.
Nababahala si LTFRB Spokesperson Celine Pialago sa pangyayari dahil malalagay sa alanganin ang integridad ng taxi services.
Hinimok naman ni LTFRB Chairperson Teofilo Guadiz III ang ibang indibidwal na may kaparehong karanasan na lumantad at magbigay ng impormasyon sa ahensya.
Nangako ang LTFRB chief, na pabibilisin nila ang imbestigasyon upang mapanatili ang accountability sa taxi operators at drivers. | ulat ni Rey Ferrer
