Pinasinayaan ng Metro Manila Develoment Authority (MMDA) ang bagong Metro Manila Film Fest Auditorium bilang pagsuporta sa mga pelikulang lumalahok sa inaabangang film fest sa bansa tuwing Pasko.
Dumalo ang mga sikat na artista sa bansa tulad nila Christopher De Leon, Dingdong Dantes, Piolo Pascual, Derek Ramsey, Alden Richards, Eugene Domingo, Enchong Dee, Alessandra de Rossi, Kylie Versoza, at Christian Bables.
Kabilang na rin ang si Pasig City Mayor Vico Sotto sa mga dumalo sa naturang event.
Ayon kay MMDA Acting Chairperson, Atty. Rmando Artes, ang naturang auditorioum ay sumisimbolo sa pagsuporta ng MMDA sa taunang film fest at pagsuporta na rin sa pelikulang Pilipino.
Ang mga pelikulang “A Family of 2 (A Mother and Son Story)”, “(K)Ampon,” “Penduko,” “Rewind,” “Becky and Badette,” “Broken Heart’s Trip,” “Firefly,” “GomBurZa,” “Mallari,” at “When I Met You in Tokyo” ay mapapanood sa December 25 hanggang January 7, 2024 sa lahat ng sinehan sa Pilipinas. | ulat ni AJ Ignacio
📷: MMDA
