Ginawaran ng medalya ni Armed Forces of the Philippines (AFP) Chief of Staff Gen. Romeo Brawner Jr. si outgoing Australian Defense attaché Col Paul Barta.
Ito’y sa ginawang exit call sa AFP Chief ni Col. Barta, kasabay ng entrance call ng kanyang magiging kapalit na si Navy Captain Emma McDonald-Kerr, sa Camp Aguinaldo ngayong araw.
Sinabi ni Gen. Brawner na ipangkaloob ang parangal kay Col. Barta bilang pagkilala sa kanyang mahusay na serbisyong ipinagkaloob sa AFP bilang kinatawan ng Australian Defense Force sa bansa.
Nagpasalamat si Gen. Brawner kay Col. Barta kasabay ng malugod na pagtanggap sa incoming Australian Defense Attaché Navy Captain McDonald-Kerr.
Si Capt. McDonald-Kerr ay nagsilbi bilang dating commander ng Navy Headquarters – South Australia, na ni-recommission noong 2022 bilang HMAS Encounter. | ulat ni Leo Sarne
