Nakatakdang ipatupad ng Home Development Mutual Fund o PAG-IBIG Fund ang nakaambang taas-singil sa member contribution sa unang buwan ng 2024.
Ayon kay PAG-IBIG CEO Mariline Acosta, tuloy na ang naturang taas-singil sa January 2024 matapos aprubahan ng PAG-IBIG Board at napagbigay-alam na kay Pangulong Ferdinand R. Marcos Jr.
Dagdag pa ni Acosta na wala namang naging pagtutol ang Palasyo hingil naturang pagtaas ng kontribusyon.
Matatandaang ipinagpaliban ng PAG-IBIG ang kanilang taas-singil sa contribution dahil sa patuloy na epekto ng pandemic sa mga miyembro at business sector. | ulat ni AJ Ignacio
