Naaresto ng mga tauhan ng Police Regional Drug Enforcement Unit 10 ang dalawang drug suspect kasama ang isang bagitong pulis sa buy-bust operation sa Carmen, Cagayan de Oro City kahapon, Enero 17, 2024.
Sa ulat na nakarating sa Camp Crame, tinukoy ang arestadong pulis na hindi muna pinangalanan, na isang corporal na naka-assign sa Cagayan de Oro City Police Office.
Nakuha sa mga arestadong suspek ang tatlong pakete ng hinihinalang shabu na nasa 2 gramo; isang pakete ng hinihinalang marijuana at mga foil, matapos makipagtransaksyon sa nagpanggap na buyer.
Sa ngayon, nasa kustodiya na ng police station 4, Cagayan de Oro City Police Office ang mga suspek na nahaharap sa paglabag sa R.A. No. 9165.
Maliban dito, nahaharap din ang pulis sa administrative case para sa ‘grave misconduct’.
Samantala, may isa pang kasamahan ang mga suspek na hinahanap ngayon ng mga awtoridad. | ulat ni Leo Sarne
📷: PRO 10
