Nagsasagawa na ng follow-up operation ang Antipolo City PNP para matunton ang mga kamag-anakan ng isang sanggol na natagpuang wala nang buhay.
Ito’y matapos makita ang naturang sanggol sa isang creek sa Brgy. Dela Paz sa nabanggit na lungsod.
Batay sa ulat ng Antipolo PNP, gabi ng Enero 2 nang matagpuan ng mga rescuer ang wala nang buhay na katawan ng sanggol na lalaki.
Itinawag ito ng isang nakakitang residente sa lugar matapos maghinala ito sa laman ng isang sako na nahalo sa mga basura.
Inaalam din ng pulisya kung paano napunta sa creek ang naturang sanggol at kung ito ay iniwan, nais din nilang malaman kung sino ang nag-iwan dito. | ulat ni Jaymark Dagala
