Ilulunsad bukas ng Navotas City government ang Mega Job Fair sa Navotas Sports Complex kasabay ng pagdiriwang ng ika-118 Navotas Day.
Sa abiso ng LGU, katuwang sa programang ito ang partner companies at magbubukas ng oportunidad para sa mga naghahanap ng trabaho.
Hindi bababa sa 45 kumpanya ang kalahok sa job fair at simulang tatanggap ng mga aplikante mula alas-8 ng umaga hanggang alas-4 ng hapon.
Bukod sa local employment ay mayroon ding mag-aalok para sa trabaho sa ibang bansa.
Bukod sa job fair, may iba’t ibang ahensya din ang maghahatid ng serbisyo tulad ng SSS, Pag-Ibig ,at PhilHealth.
Samantala, magtatalaga ang lokal na pamahalaan ng PESO Help Desk sa mismong venue para sa libreng printing ng resume para sa mga aplikante. | ulat ni Rey Ferrer
