Nakatakdang pangunahan ni Philippine National Police (PNP) Chief, Police General Benjamin Acorda Jr. ang Pre-Launching ng Bagong Pilipinas Kick-off Rally ngayong araw
Dito, inaasahang ibibida ng PNP ang mga naging tagumpay ng Pambansang Pulisya sa nakalipas na isa at kalahating taon sa ilalim ng administrasyon ni Pangulong Ferdinand R. Marcos Jr.
Isasagawa ang programa sa harap ng National Headquarters ng PNP sa Kampo Crame ganap na alas-10 ng umaga kung saan, dadaluhan din ito ng mga opisyal ng Pulisya.
Una nang ipinagmalaki ni Acorda ang mataas na trust at approval ratings na nakamit ng Pulisya batay sa mga survey gayundin ang matagumpay na kampaniya kontra iligal na droga at ang pagkakatala ng Pilipinas bilang isa sa mga pinakaligtas na bansa sa Asya. | ulat ni Jaymark Dagala
