Arestado ng Iloilo Provincial Drug Enforcement Unit ang high value target drug personality sa ikinasang buy-bust operation sa Brgy. Daan Banwa, Estancia.
Ang suspek ay kinilalang si Jorene Boledo, 44 na taong gulang at residente ng nasabing lugar.
Nakumpiska sa suspek ang mahigit 800 gramo ng shabu na nagkakahalaga ng ₱5,508,000 at buy-bust money.
Sa ngayon, nasa kustodiya na ang suspek ng Estancia Municipal Police Station at nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Pinuri naman ni Police Regional Office 6 Director Jack Wanky ang operating units sa matagumpay na operasyon pero kailangan pa ang mas pinalakas na intelligence monitoring para mapigilan ang pagpasok ng bulto-bultong iligal na droga sa rehiyon. | ulat ni Paul Tarrosa | RP Iloilo
📷: PRO 6
