Naglabas na ng abiso sa mga motorista ang Caloocan City LGU bilang paghahanda sa mga aktibidad na nakalatag sa selebrasyon ng Chinese New Year sa lungsod.
Batay sa traffic advisory nito, simula bukas, Feb. 9, dakong 5:00 p.m. ay isasara ang mga sumusunod na kalsada:
- A. Mabini corner Sangandaan to A. Mabini corner C3
- 10th Avenue corner Galauan to A. Mabini Dulo
- Torres Bugallon corner General San Miguel to Torres Bugallon corner 10th Avenue
- Libis Espina corner Sabalo to Libis Espina corner A. Mabini
Pinapayuhan ang mga motorista na pansamantalang dumaan muna sa mga alternatibong ruta.
Kasama sa aktibidad na inihanda ng LGU ang Chinese New Year concert na gaganapin sa Plaza Rizal, A Mabini St. Caloocan City.
Muli namang bubuksan ang mga daanan bandang alas-2:00 ng umaga February 10, 2024. | ulat ni Merry Ann Bastasa
