Abiso sa mga motorista.
Ilang kalsada sa Lungsod ng Pasig ang maaaring makaranas ng mabigat na daloy ng mga sasakyan.
Ito ay dahil sa isasagawang Fun Run ng The Medical City sa Sabado, February 24.
Batay sa abiso, magsisimula ang aktibidad ng alas-4 ng madaling araw hanggang alas-9 ng umaga.
Kabilang sa mga apektadong kalsada ang Ortigas Avenue, Julia Vargas Avenue, at Lanuza Avenue.
Pinapayuhan naman ang mga motorista na planuhin ang kanilang biyahe at dumaan sa mga alternatibong ruta.
Humingi din ng paumanhin ang Pasig LGU sa mga maaabala ng nasabing aktibidad. | ulat ni Diane Lear
