Inaasahan ng PAGASA na mas tataas ang temperatura gayundin ang heat index o alinsangan sa katawan sa ilang lugar sa bansa ngayong araw.
Batay sa heat index forecast ng PAGASA, posibleng pumalo hanggang sa 40-41°C ang pinakamataas na heat index na maitala sa Dagupan City, Pangasinan, La Granja La Carlota, Negros Occidental at sa General Santos City sa Cotabato City.
Kahapon, naitala rin ang pinakamataas na alinsangan sa General Santos City.
Samantala, nauna naman nang nagsuspinde ng klase ang ilang lokal na pamahalaan sa Negros Occidental dahil sa inaasahang tindi ng init ngayong araw. | ulat ni Merry Ann Bastasa
