Pinangunahan ni Armed Forces of the Philippines Chief of Staff General Romeo Brawner Jr. ang pormal na pagluklok sa pwesto ni MGen. Facundo Palafox IV bilang bagong Commander ng Southern Luzon Command (SOLCOM).
Sa Change of Command ceremony sa SOLCOM Headquarters sa Lucena nitong Sabado, pinalitan ni MGen. Palafox si Lt.Gen. Efren Baluyot na nagretiro sa serbisyo matapos ang 39 na taon bilang opisyal at kadete sa militar.
Pinasalamatan ni Gen. Brawner si Lt. Gen. Baluyot sa kanyang serbisyo at hinimok ang mga tauhan ng SOLCOM na patuloy na ibigay ang kanilang suporta sa kanilang bagong commander na si MGen. Palafox.
Si MGen. Palafox ang dating commander ng Philippine Army Armor Division at nagsilbi din bilang dating Assistant Chief of Staff for Civil-Military Operations, G7 sa Headquarters ng Philippine Army (PA); commander ng Civil-Military Operations Regiment, PA; at commander ng 2nd Mechanized Infantry (Magbalantay) Brigade. | ulat ni Leo Sarne
📷: SSg Ambay/PAOAFP