Pinuri ni Police Regional Office 6 Director Jack Wanky ang operating units sa P10.2 milyong buy bust operation sa Duran St., Brgy. Sto. Rosario, Iloilo City.
Arestado sa operasyon sina alyas Pada, 31 taong gulang; at alyas Ceasar, 49 na taong gulang pawang high value target drug personalities.
Bukod sa bulto-bultong shabu, nakumpiska rin sa mga suspek ang buy bust money.
Ayon kay Brigadier General Wanky, ang operasyon ay nagpapakita ng dedikasyon ng kapulisan para resolbahin ang problema ng iligal na droga sa rsehiyon.
Binigyang pagkilala rin ng opisyal ang suporta ng mamamayan sa kampanya kontra iligal na droga.
Sa pagkaaresto sa mga suspek, kasong paglabag sa Republic Act 9165 o ang Comprehensive Dangerous Drugs Act of 2002 ang kakaharapin ng mga suspek. | ulat ni Paul Tarrosa, Radyo Pilipinas Iloilo
