Kakausapin ni Senate President Juan Miguel Zubiri si Senate Committee on Women chairperson Senadora Risa Hontiveros para maglabas na lang ng show cause roder laban kay Kingdon of Jesus Christ (KOJC) leader Pastor Apollo Quiboloy.
Pinunto ni Zubiri, naglabas na kasi ng ruling ang Korte Suprema tungkol sa issue ng indirect contempt noong Nobyermbre 2023.
Pinaliwanag ng Senate President na sa ilalim ng naturang ruling ay dapat gawin ng Senado ang lahat ng legal avenues at due process sa pagpapatawag ng reosurce person sa kanilang mga pagdinig.
Mungkahi ngayon ni Zubiri kay Hontiveros, magpatawag ng isa pang committee hearing at maglabas ng show cause order para makapagpaliwanag si Quiboloy kung bakit hindi siya dapat ma-contempt.
Kung hindi aniya makokontento ang kumite sa paliwanag ni Quiboloy ay saka pa lang aniya dapat maglabas ng contempt order.| ulat ni Nimfa Asuncion
