Kasado na rin ang gagawing malawakang job fair sa Caloocan City kasabay ng selebrasyon ng Labor Day sa May 1.
Pangungunahan ito ng Department of Labor and Employment—NCR CAMANAVA Field Office katuwang ang Public Employment Service Office – Caloocan City.
Gaganapin ang Labor Day Job Fair sa SM City Grand Central simula 9:00 am hanggang 4:00 pm.
Kabilang sa mga employer na makikilahok sa naturang job fair ang BPO, restaurants, manpower services, at sales and marketing.
Ayon kay Mayor Along Malapitan, magandang pagkakataon ito para magkaroon ng bagong oportunidad ang mga jobseeker sa lungsod.
Kinakailangan lamang magrehistro ang mga interesadong jobseekers sa: https://tinyurl.com/preregsmgrand
At magdala ng resume at valid ID sa mismong araw ng job fair. | ulat ni Merry Ann Bastasa
