Siniguro ng Department of the Interior and Local Government (DILG) ang suporta nito sa itinalagang bagong hepe ng Philippine National Police (PNP).
Ayon kay DILG Secretary Benhur Abalos, makakaasa aniya ng buong suporta si PNP Chief Police Major General Rommel Francisco Marbil mula sa ahensya.
Ito ay upang matiyak ang pagpapatuloy ng commitment ng DILG para sa mas mapayapa, mas maayos, at mas ligtas na bansa.
Una nang binati ng DILG si Police Major General Marbil sa kanyang appointment bilang bagong Chief ng PNP.
Pormal na siyang itinalaga ni Pangulong Ferdinand R. Marcos Jr. bilang ika-30 Chief ng PNP at pangungunahan ang 232,000 police force sa buong bansa. | ulat ni Rey Ferrer
