Nadagdagan pa ang mga lugar sa bansa na isinailalim sa Tropical Cyclone Wind Signal no. 1 dahil sa epekto ng Bagyong Aghon.
Sa 11am weather bulletin ng PAGASA, huling namataan ang Bagyong Aghon sa layong 240km silangan ng Hinatuan, Surigao del Sur.
Napanatili nito ang lakas ng hanging aabot sa 45km/h at pagbugsong aabot sa 55km/h.
Ito ay kumikilos pa- kanluran, hilagang kanluran sa bilis na 10kph
Sa ngayon, nakataas ang Signal no. 1 sa mga ss na lugar:
Luzon:
Sorsogon, Albay (Manito, Legazpi City, City of Tabaco, Rapu-Rapu, Santo Domingo, Malilipot, Bacacay, Malinao, Tiwi), Catanduanes and Camarines Sur (Caramoan, Garchitorena, Presentacion, Sagñay, San Jose, Lagonoy, Tigaon).
Visayas:
Eastern Samar, Samar, Northern Samar, Leyte (Babatngon, Tacloban City, Palo, Tanauan, Tolosa, Dulag, Mayorga, Macarthur, Abuyog, Javier) and Southern Leyte (Silago, Hinunangan, Hinundayan, Anahawan, San Juan, Liloan, Saint Bernard, San Ricardo, Pintuyan, San Francisco).
Mindanao:
Dinagat Islands, Surigao del Norte including Siargao – Bucas Grande Group and Surigao del Sur (Carrascal, Cantilan, Madrid, Carmen, Lanuza, Cortes, City of Tandag).
Ayon sa PAGASA, posible pa ring magland-fall ito sa bahagi ng Eastern Visayas bukas.
Inaasahang lalakas pa ang Bagyong Aghon bilang severe tropical storm sa weekend at typhoon category sa martes. | ulat ni Merry Ann Bastasa
