Pinuri ng Anti-Red Tape Authority (ARTA) ang Pamahalaang Lungsod ng Bacoor sa pagtatatag ng isang ganap na automated electronic Business One-Stop Shop (eBOSS).
Ang Bacoor ang ika-walong local government unit (LGU) sa Southern Luzon, at ika-28 sa buong bansa na nagkaroon ng eBOSS commendation, streamlining business permit applications, at renewals.
Ang inisyatiba na ito ay isang collaborative effort sa pagitan ng ARTA, Department of the Interior and Local Government, Department of Information and Communications Technology, at Department of Trade and Industry, alinsunod sa direktiba ni Pangulong Ferdinand R. Marcos Jr. upang mapabuti ang bureaucratic efficiency ng bansa.
Pinangunahan ni ARTA Secretary Ernesto Perez ang seremonya ng paggawad ng commendation sa lokal na pamahalaan.
Binigyang-diin naman ni Bacoor City Mayor Strike Revilla ang kahalagahan ng award, at ang dedikasyon ng mga empleyado ng lungsod. | ulat ni Rey Ferrer
