Tinatayang aabot sa mahigit isang libong indibidwal ang nahatiran ng tulong ng Philippine Red Cross (PRC) sa kasagsagan ng pananalasa ng Bagyong Aghon.
Batay sa ulat ng PRC, tinatayang 900 indibidwal ang binigyan ng hot meals sa Brgy. Dos sa Lungsod ng Calamba.
Kasunod nito, nasa 165 na indibidwwal ang binigyan ng tulong sa Brgy. Bungkol habang 114 naman ang mula sa Brgy. Sabang na kapwa sa bayan ng Magdalena.
52 indibidwal naman ang nabigyan ng tulong sa M. Lanuza Elementary School sa Brgy. Buboy sa bayan ng Pagsanjan.
Habang nasa 52 indibidwal din ang nahatiran ng tulong sa Calumpang Elementary School sa bayan naman ng Liliw.
Kasalukuyan na ring minomobilisa ang food trucks ng PRC para mamahagi ng hot meals sa mga apektado ng bagyo.
Samantala, nakatakda namang bumisita sa bansa ang pangulo ng International Federation of the Red Cross and Red Crescent Societies (IFRC) na si Kate Forbes mula bukas hanggang Hunyo 1.
Dito, tatalakayin nila ni PRC Chairperson Richard Gordon ang kahalagahan ng pagiging handa sa mga sakuna gayundin ang kagyat na pagbangon mula rito. | ulat ni Jaymark Dagala