Pitong (7) irrigation project ang sabay-sabay nang tinurn-over ng National Irrigation Administration Region VII (NIA-7) sa mga farmer-
beneficiary sa Siaton, Negros Oriental.
Ayon sa NIA, ang konstruksyon ng irrigation projects ay natapos na ng Negros Oriental Satellite Office.
Kabilang sa mga irrigation project, ang Lower Mantuyop Small Irrigation Projects , Inalad Communal Irrigation System (CIS), Datag CIS, Caticugan CIS, Sandulot CIS, Lower Balanan CIS, at ang Cang-Iyao CIS.
Ikinatuwa naman ng mga farmer-beneficiary, na kinakatawan ng 7 Irrigators Associations ang kaloob na proyektong patubig.
Nagpasalamat ang mga ito sa suporta ng NIA dahil malaki ang maitutulong nito para mapalakas ng ani ng kanilang pananim at mapalawak ng mga irigasyon na lugar.
Hinimok ng NIA ang mga farmer beneficiary na masigasig na pangasiwaan at pangalagaan ang mga proyektong ito, para sa kapakinabangan ng mga susunod na henerasyon.| ulat ni Rey Ferrer
