Magkasamang bumati ang First Couple na sina Pangulong Ferdinand R. Marcos Jr at First Lady Liza Marcos sa kanilang bunsong anak na si William Vincent Araneta-Marcos para sa ika-27 taong kaarawan ngayong araw.
Sa mensahe ng Pangulo sa Presidential Son, pabirong sinabi ng Pangulo na dahil May 17 ngayon at birthday ni Vin ay siya ang paborito ngayong araw.
Sinegundahan naman ni First Lady Liza ang pagbati sa anak na aniya’y most charming, most talkative, at pinakamaganang kumain.
Kaugnay nito, sinabi ng Pangulo na maaari nilang ipagdiwang ang birthday ng anak sa gawi ng Norte.
Ngayong araw ay sa Ilocos Norte ang magiging aktibidad ng Pangulo kung saan ay pangungunahan ang pagbubukas ng isang tourist area. | ulat ni Alvin Baltazar
