Umarangkada na ang pamamahagi ng educational incentive ng Valenzuela LGU para sa mga estudyanteng magsisipagtapos ngayong school year.
Ayon sa Valenzuela LGU, aabot sa ₱25-million ang kabuuang halaga na ilalaan sa educational incentive kung saan target na benepisyaryo ang nasa 16,252 graduating Elementary at Senior High School students mula sa mga pampublikong paaralan sa lungsod.
Sa ilalim nito, ang bawat magsisipagtapos ay makatatanggap ng tig-₱1,500 incentive at may karagdagan pa sa mga graduating honor students.
Nagsimula noong May 15 ang distribusyon nito na tatagal hanggang May 27, 2024.
Mismong si Mayor Wes Gatchalian rin ang namamahagi ng cash aid na inaasahan nitong makatutulong sa mga gastusin ng mga estudyante sa pag-aaral. | ulat ni Merry Ann Bastasa
