Tatlong matataas na opisyal ng Philippine National Police (PNP) ang inilipat ng pwesto ni PNP Chief Police General Rommel Francisco Marbil.
Kabilang dito si Police Brig. General Ponce Rogelio Ibasco Peñones Jr. na itinalaga bilang Deputy Regional Director for Operations ng National Capital Region Police Office (NCRPO).
Si Police Brig. General Wilson Daupan Soliba naman ay itinalaga bilang Director for Logistics Support Service.
Habang si Police Col. Warren Gaspar Appad Tolito ay itinalaga bilang Acting Director ng Communications and Electronics Service (CES).
Sa re-assignment order na pirmado ni Director for Personnel and Records Management Police Major General Sydney Sultan Hernia, epektibo ang mga bagong assignment ngayong araw. | ulat ni Leo Sarne
