Magsasagawa ngayong umaga ng site inspection ang House leaders sa pangunguna ni Speaker Martin Romualdez at House Appropriations Committee Chair Elizaldy Cosa sa itinatayong Pambansang Pabahay Program ng pamahalaan sa Guitnang Bayan II, San Mateo, Rizal.
May kabuuan itong land area na 46,007 square meters.
Ongoing na ang construction para sa 4,330 units ng condo style na pabahay.
Mayroon itong 17 gusali na may tig-5 at tig-10 palapag.
May dalawang laki ang kada unit na 24 sqm (3,850 units) at 27 sqm (480 units).
Kada unit ay mayroong dalawang kwarto, kusina, banyo at sala.
Inaasahan naman ng DHSUD na sa 3rd quarter ngayong taon ay mai-turnover na ang unang building.
Kasama rin na darating ngayong araw sina Pag-IBIG Fund (HDMF) Chief Executive Officer Marilene Acosta at DHSUD Secretary Rizalino Acuzar. | ulat ni Kathleen Jean Forbes
