Inanunsyo ng Meralco na nakatakda itong magsagawa ng maintenance sa ilang lugar sa lungsod ng Taguig bukas, June 23, na magreresulta sa pansamantalang pagkawala ng supply ng kuryente sa mga sumusunod na lugar.
Apektado ang bahagi ng Barangay Western Bicutan mula 8 AM hanggang 11 AM. Kabilang dito ang ilang bahagi ng Enlisted Personnel Village 1 at SSB De Ville Subdivision, pati na rin ang Eucalyptus, Kakawati, LRT, Manggahan, Sampaguita, at Sampaloc Streets sa Sto. Niño, at Kalachuchi Street.
Ang nasabing maintenance activity ay bahagi ng pagsasaayos ng linya sa Blocks 33 at 34 sa area ng Enlisted Personnel Village 1.
Pinapayuhan ang mga residente na mag-charge ng mahahalagang electronic devices bago ang maintenance bilang paghahanda sa anumang emergency. | ulat ni EJ Lazaro
