Muli na namang arangkada bukas ang KADIWA ng Pangulo sa lungsod ng Navotas.
Magbubukas ang Kadiwa ng Pangulo sa Navotas Central Park mula alas-8:00 ng umaga hanggang alas-5:00 ng hapon.
Mabibili dito ang iba’t ibang sariwang produkto tulad ng gulay, prutas, manok, karne at iba pa na mas mura at abot-kayang presyo.
Sa abiso ng lokal na pamahalaan, walang available na bigas sa schedule ng Kadiwa ng Pangulo ngayon.
Gayunman, hinihikayat ang publiko na tangkilikin ang KADIWA para makatulong sa mga magsasaka, mangingisda, at micro, small, and medium enterprises (MSMEs).
Ayon sa LGU, dalawang araw na mananatili sa lungsod ang KADIWA ng Pangulo. | ulat ni Rey Ferrer