Lalarga na ngayong araw ang ikatlong Pride Festival sa lungsod Quezon para sa LGBTQIA+ Community na tatawaging Love Laban 2 Everyone.
Maaga pa lang, dinadagsa na ng mga tao ang Quezon City Memorial Circle para saksihan ang iba’t ibang aktibidad.
Itatampok sa Festival ang Pride Expo sa loob ng Circle, Food and Art Market sa kahabaan ng Matalino Street; Pride March at ang Pride Night.
Sa abiso ng Pamahalaang lungsod, sisimulan ang parada mamayang hapon mula sa Tomas Morato at dadaan ng Timog at Quezon Avenue.
Bukod pa dito ang isa pang parada na magmula sa Matalino St. at magsasalubong sa Elliptical Road na susundan ng konsyerto sa Memorial Circle.
Tiniyak naman ng LGU na magdedeploy ng sapat na traffic enforcer para alalayan ang daloy ng trapiko patungo sa mga alternatibong ruta. | ulat ni Rey Ferrer
