Ipinanawagan ni Philippine National Police (PNP) Chief Police General Rommel Francisco Marbil sa lahat ng Pilipino na makiisa sa mga kapatid na Muslim sa paggunita ng Eid’l Adha nang may respeto at pang-unawa.
Kasabay ito ng pagpapaabot ng pagbati ng buong PNP sa mga kapatid na Muslim sa pag-obserba ng “Feast of Sacrifice”.
Sinabi ng PNP Chief, na ang okasyon ay nagsisilbing paalala sa lahat ng kabutihan ng pananampalataya, debosyon at sakripisyo.
Hinikayat ni Gen. Marbil ang lahat na pangatawanan ang paglikha ng isang “inclusive” at mapayapang lipunan. Ipinanalangin naman ng PNP Chief, na ang okasyon ay magdulot ng kapayapaan, prosperidad at kaligayahan para sa lahat. | ulat ni Leo Sarne
