Target pa ng Quezon City government na makapagpatayo ng mga housing units sa lungsod.
Kamakailan, isang Memorandum of Agreement ang nilagdaan ng lokal na pamahalaan para sa pabahay project sa Novaliches.
Pinirmahan ito nina Mayor Joy Belmonte, William Russel Sceurman Jr. ng Zeta World Realty, Inc., at si Armando Inabangan, Jr. mula sa RS Realty Concepts Developer, Inc.
Ayon sa LGU, aabot sa 1,000 na pamilya ang magiging benepisyaryo ng programang ito.
May mga nauna nang proyektong pabahay ang pamahalaang lungsod alinsunod sa socialized housing program nito.
Prayoridad na mabinepisyuhan ng pabahay ang informal settler families sa lungsod. | ulat ni Rey Ferrer