Balik CARAGA ang Bagong Pilipinas Serbisyo Fair para sa ika-20 sigwada ng pinakamalaking serbisyo caravan ng Marcos Jr. administration.
Nasa ₱560-million na halaga ng serbisyo, programa at tulong pinansyal ang ipagkakaloob sa BPSF Surigao del Sur na pangungunahan ni Speaker Martin Romualdez mula ngayong araw hanggang bukas.
Nasa 90,000 benepisyaryo ang inaasahang maaabutan ng tulong ng pamahalaan mula sa iba’t ibang bayan ng Surigao del Sur.
Nasa 46 na ahensya ng pamahalaang nasyonal, dala ang 217 serbisyo ang ipinagkaloob sa mga Surigaonon kung saan ₱244-million ang halaga ng tulong pinansyal.
Tuloy-tuloy din ang payout ng Department of Social Welfare and Development (DSWD) sa mga lalawigan sa Surigao del Sur, na may 64,000 benepisyaryo ng AICS sa kabuuang halaga na ₱216-million.
Mayroon ding pamamahagi ng scholarship sa ilalim ng Technical Education and Skills Development Authority (TESDA) at Commission on Higher Education (CHED), maging livelihood programs.
Aabot naman sa 95,000 na kilo ng bigas ang ipapamahagi sa mga benepisyaryo ng programa sa probinsya. | ulat ni Kathleen Jean Forbes
