Isang lalaki ang nasawi habang hindi bababa sa limang katao ang nasaktan nang mauwi sa aksidente ang pagtangay sa isang nakaparadang police mobile sa Morong, Rizal.
Ayon kay Police Major Rosalino Panlaqui, Hepe ng Morong Municipal Police, naganap ang insidente matapos rumesponde ang kanyang mga tauhan sa isang lalaking nagwawala na sinasabing may sakit sa pag-iisip, na kinilalang si Jomar Caragdag, 52 taong gulang.
Bigla umanong pumasok ang suspek sa nakaparada at ginagawang police vehicle sa labas ng presinto upang tumakas, bago siya hinabol ng mga pulis gamit ang ibang sasakyan.
Pinaputukan pa ng mga humahabol na pulis si Caragdag, bago nauwi sa aksidente ang habulan kung saan ilang residente ang nasagasaan. | ulat ni Diane Lear
