Ginarantiya ni Pangulong Ferdinand R. Marcos Jr. sa hanay ng AFP na kasama sa prayoridad ng kanyang administrasyon ang masigurong nasa maayos ang kalagayan ng mga sundalo.
Ayon sa pangulo, titiyakin niyang naibibigay sa mga kawal ang pangangailangan nito lalo’t may kinalaman sa pangkalahatang kalusugan at kagalingan upang magampanan ng epektibo ang kanilang mga tungkulin.
Ang garantiya ay ginawa ng pangulo sa gitna na din ng pagkilala sa aniyay walang kapantay na dedikasyon na iniuukol ng mga sundalo para sa bayan.
Kasama rin sa mensahe ng pangulo ang pagnanais para sa mas matatag na AFP at Phil Air Force na magsisilbing matibay na muog ng national defense.
Hinikayat din ng pangulo ang bawat isa na magkaisa upang hindi lamang para maging pangarap ang mas mapayapa at mas progresibong bukas kundi ito’y para makamit alang-alang sa mga Pilipino. | ulat ni Alvin Baltazar
