Arestado ang 4 na drug suspect kabilang na ang 2 dayuhan at 2 Pilipino sa ikinasang drug buy-bust operation ng PNP Drug Enforcement Group sa Pasay City.
Batay sa ulat ni PNP DEG Director, PBGen. Eleazar Matta, nagresulta ito sa pagkakasamsam ng aabot sa 9.4 milyong pisong halaga ng iba’t ibang iligal na droga.
Kabilang sa mga nasabat ang nasa 1 kilo ng hinihinalang shabu, 80 gramo ng cocaine, 71 gramo ng ketamine, 135 gramo ng high grade marijuana o kush, liquid marijuana, liquid ecstacy at mahigit sa 900 piraso ng ecstacy tablet.
Pinangunahan ng PDEG Intelligence and Foreign Liason Division kasama ang Station Drug Enforcemt Unit ng Pasay City Police Office ang pagsalakay sa hinihinalang hideout ng mga suspek sa Brgy. 76, Zone 10 sa nabanggit na lungsod.
Nasa kostudiya na ngayon ng PDEG Special Operating Unit – National Capital Region ang mga naaresto at sasampahan ng kasong paglabag sa Comprehensive Dangerous Drugs Act of 2002. | ulat ni Jaymark Dagala
📷 PDEG
